Hópavinna í íslensku

Ég, Emilía og Lísa Mikaela vorum saman í verkefni í Eglu. Við völdum 3 greindir af þeim sjö sem voru í boði. Við byrjuðum á að gera langskip í þrívídd. Við kíktum í Eglu og fengum upplýsingar um knerri og langskip. Það var rýmisgreind. Svo gerðum við landakort um ferðir Egils erlendis sem var umhverfisgreind. Þar byrjuðum við að fá glæru af Evrópu hjá Auði kennara og teiknuðum á A2 karton, síðan lituðum við löndin með krítum og litum og merktum síðan inná hvert Egill fór. Að lokum gerðum við leikrit með nokkrum öðrum krökkum. Við byrjuðum á að lesa kafla 3 í Eglu og svo skrifuðum við handritið og lékum fyrir hina krakkana. Þetta var bara nokkuð skemmtilegt og fræðandi verkefni.